Մամուլ. Սեյրան Օհանյանը հավանաբար կնշանակվի ՀԱՊԿ գլխավոր քարտուղար

Ռուսական «Интерфакс» գործակալությունը, հղում կատարելով Հայաստանի կառավարությունում իր աղբյուրներին, հայտնում է, որ ՀՀ պաշտպանության նախարար Սեյրան Օհանյանը, հավանաբար, կնշանակվի ՀԱՊԿ գլխավոր քարտուղար:

«Շուտով Օհանյանը կազատվի պաշտպանության նախարարի պաշտոնից. Նա կնշանակվի ՀԱՊԿ գլխավոր քարտուղար», - ասել է գործակալության զրուցակիցը: Ավելի վաղ Սերժ Սարգսյանը հայտնել էր կառավարության կազմում սպասվող փոփոխությունների մասին:

Մի քանի օր առաջ ՀԱՊԿ գործող գլխավոր քարտուղար Նիկոլայ Բորդյուժան հայտարարել էր, որ կազմակրպության նոր գլխավոր քարտուղարի անունը հայտնի կդառնա Երևանում հոկտեմբերի 14-ին նախատեսված ՀԱՊԿ խորհրդի նիստի ժամանակ: «Նոր գլխավոր քարտուղարը կլինի Հայաստանի ներկայացուցիչը», - ասել էր նա: