Նատալյա Ռոտենբերգը շարունակում է ծանոթանալ Երևանի խնդիրներին

Ծանոթությունը Երևանի և երևանցիների խնդիրների հետ շարունակվում է։ Այս մասին գրել է Նատալյա Ռոտենբերգը Facebook-ի իր էջում՝ տեղեկացնելով, որ այսօր եղել է Աջափնյակ վարչական շրջանում:

"Շրջայցի ընթացքում այցելեցի Աջափնյակ համայնք, շփվեցի հասարակության հետ։ Ինձ համար առանձնակի կարևոր է, որ մարդիկ վստահում են իրենց խնդիրները և կիսվում քաղաքի հետ կապված իրենց հոգսերով։ Հավատացեք սա որքան հաճելի, նույնքան պարտավորեցնող է։

Վստահությունը կարևոր է, իսկ գործը առավել բոլոր տեսակի խոսքերից",- գրել է նա։

Հիշեցնենք, VERELQ-ի հետ հարցազրույցում Ռոտենբերգը տեղեկացրել էր, որ մտադիր է մասնակցել Երևանի ավագանու ընտրություններին, որպես քաղաքապետի թեկնածու: Ընտրությունները տեղի են ունենալու հաջորդ աշնանը: