Առանց Զանգեզուրի միջանցքի դժվար կլինի խոսել խաղաղության մասին. Իլհամ Ալիև

Զանգեզուրի միջանցքի շուտափույթ բացումը հիմնարար տարրերից մեկն է տարածաշրջանում խաղաղության ապագայի համար։

Այս մասին հայտարարել Է Ադրբեջանի նախագահ Իլհամ Ալիեւը՝ Բաքվի IX գլոբալ ֆորումի բացմանը, փոխանցում է Report-ը։

«Եթե մեզ չտան այդ թույլտվությունը, ապա դժվար կլինի խոսել խաղաղության մասին, եւ Ադրբեջանի բոլոր ջանքերը, որոնք ուղղված են Հայաստանի հետ նորմալ համակեցության եւ հարեւան հարաբերությունների հաստատմանը, անհաջողության են մատնվելու», - հայտարարել է Երկրի ղեկավարը:

Նա հավելել է, որ Ադրբեջանն իրավունք ունի պահանջել Զանգեզուրի միջանցքի բացումը, քանի որ Հայաստանը ստորագրել է համապատասխան հայտարարություն: