29.03.2024
Մամիկոն Ասլանյանի չարաշահումների դեպքի առթիվ հարուցված քրգործի նախաքննությունն ավարտվել է
prev Նախորդ նորություն

Նորություններ գործընկերներից

Բրյուսելյան հայտարարության վտանգները. ընդդիմությունը շրջափակել է ԱԳՆ շենքը

«Դիմադրության» շարժումը երթեր է մեկնարկել Երեւանի փողոցներում` Նիկոլ Փաշինյանի հրաժարականի պահանջով։ Երեկոյան՝ ժամը 19:00-ին հանրահավաք են անցկացնելու Սասունցի Դավթի արձանի մոտ։


Այս պահին շարժման մասնակիցներն ԱԺ փոխնախագահ, ՀՅԴ ԳՄ ներկայացուցիչ Իշխան Սաղաթելյանի կոչով շրջափակել են արտաքին գործերի նախարարության շենքը: Սաղաթելյանը հայտարարեց, որ այդ շենքը կապ չունի հայկական շահերի հետ, եւ որքան քիչ աշխատի, այնքան քիչ վնաս կհասցնի հայկական շահերին։



Ընդդիմության առաջնորդները մեղադրում են վարչապետ Նիկոլ Փաշինյանին ու նրա թիմին` Հայաստանն ու Արցախը «աշխարհաքաղաքական աճուրդի դնելու համար»: Նրանց կարծիքով, մայիսի 23-ին Բրյուսելում եռակողմ հանդիպման արդյունքում ընդունված հայտարարությունը հարցականի տակ է դնում Արցախի անկախ ապագան:


«2 օր առաջ Բրյուսելում դավաճան Նիկոլը և Արարատը համաձայնել են շարունակել մի գործընթաց, որի արդյունքում Արցախի ապագան դրված է հարվածի տակ, որի արդյունքում Հայաստանը զրկվելու է ինքնիշխանությունից», - ԱԳՆ շենքի մոտ «Դիմադրության» շարժման ակցիայի ժամանակ հայտարարեց ՀՀԿ փոխնախագահ Արմեն Աշոտյանը:


Նրա խոսքով, բրյուսելյան հանդիպումը «խայտառակություն է հայ ժողովրդի պատմության մեջ»:


Ընդդիմադիրները հատկապես մատնանշում են այն, որ բրյուսելյան հանդիպման արդյունքում ընդունված հայտարարության մեջ կողմերը խուսափել են անգամ «Լեռնային Ղարաբաղ» և «Լեռնային Ղարաբաղի ժողովուրդ» եզրույթներից:


«Փոխարենն օգտագործվել է «Ղարաբաղի էթնիկ հայկական բնակչություն» ձևակերպումը և խոսվել է Ղարաբաղի հայերի անվտանգության և իրավունքների մասին, որոնք պետք է ապահովի Ադրբեջանը: Սա նշանակում է, որ Ղարաբաղի հայերը, ըստ Փաշինյան-Ալիև համաձայնության, դիտարկվում են որպես ազգային փոքրամասնություն Ադրբեջանի կազմում», - ասված է ընդդիմության տարածած հայտարարության մեջ:


Նշվում է նաև, որ հայտարարության մեջ նույնիսկ օգտագործվել է «Հայաստանի տարբեր շրջանների միջև Ադրբեջանի տարածքով տարանցման» եզրույթը, «ինչը ևս ծայրահեղ վտանգավոր հետևանքներ է առաջացնում, ընդհուպ Հայաստանի ինքնիշխանության, տարածքների նկատմամբ ադրբեջանական հերթական ապօրինի պահանջների հնարավորություն»:


Նշենք, որ Երևանում մեկնարկած ցույցերին զուգահեռ ՀՀԿ-ն, ՀՅԴ-ն ու Հայրենիք կուսակցությունները հայտնում են, որ առավոտից խուզարկություններ են ընթանում կուսակցության անդամների տներում։ Ընդդիմության առաջնորդները տեղի ունեցողն անվանում են բռնաճնշումներ` հայտարարելով, որ հրահանգ տվողները և կատարողները «պատասխան են տալու»:


 


 

Ադրբեջանի կազմում որևէ կարգավիճակ անընդունելի է. Արցախի նախագահի խոսնակ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար