Գնել Սանոսյանի գլխավորած պատվիրակությունը կգործուղվի Իրան

ՀՀ տարածքային կառավարման և ենթակառուցվածքների նախարար Գնել Սանոսյանը, նրա տեղակալ Հակոբ Վարդանյանը և «Ճանապարհային դեպարտամենտ» հիմնադրամի գործադիր տնօրեն Գոռ Ավետիսյանը կգործուղվեն Իրանի Իսլամական Հանրապետություն։

ՀՀ վարչապետի որոշման համաձայն՝ պատվիրակությունը Իրանում մայիսի 15-18-ը կհանդիպեն Իրանի ճանապարհների և քաղաքաշինության նախարար Ռոստամ Ղասեմիի, էներգետիկայի նախարար Ալի Աքբար Մեհրաբիանի և նավթի նախարար Ջավադ Օջիի հետ։ Բացի այդ, հայկական պատվիրակությունը մասնակցելու է Թեհրանում կայանալիք նավթի, գազի, վերամշակման և նավթաքիմիական 26-րդ միջազգային ցուցահանդեսին։