Ի՞նչ կապ ունեն գեյերը. ինչու են Շարմազանովին հրավիրել Քննչական կոմիտե

VERELQ-ն ավելի վաղ տեղեկացրել էր, որ Հանրապետական կուսակցության անդամ, ԱԺ նախկին փոխնախագահ Էդուարդ Շարմազանովն այսօր հրավիրվել է Քննչական կոմիտե:

Քիչ առաջ, հարցաքննությունից հետո, Շարմազանովը հանրայնացրեց, թե ինչու է հրավիրվել.

"Ծիծաղելի եք, պարոնայք։

Դուք պատկերացնո՞ւմ եք, սրանք 2012 թվականի դեպք են հիշել ու պեղել,որն այս պահին չեմ էլ մտաբերում, բայց 2012 թվականին, ըստ իրենց՝ գեյ կամ ոչ ավանդական կողմնորոշում ունեցող մարդկանց ակումբի վրա ազգային, պահպանողական հայացքներ ունեցող երիտասարդներն ինչ-որ հարձակում են արել, և ըստ իրենց, ես էլ անձնական երաշխավորություն եմ տվել, որ նրանց խափանման միջոցը փոխեն։

Իմ պատգամավորական գործունեության ընթացքում տասնյակ, եթե ոչ՝ հարյուրավոր մարդկանց անձնական երաշխավորություն եմ տվել՝ օգտվելով իմ պատգամավորի լիազորությունից։

Հիմա ի՞նչ, եթե հիմա էլ լինի նման ազգային երիտասարդների խափանման միջոցը անձնական երաշխավորությամբ փոխել՝ օրենքով սահմանված կարգով կերաշխավորեմ, բա հո չե՞մ ծափահարելու,որ գնան կալանքի:

Բայց սրանց կանչելու նպատակը ո՞րն էր, ի՞նչ էր՝ այդպես էլ չհասկացա։

Ռեժիմի տարրական բանսարկությունն է, երեւի հրահանգ է եկել, որ օրը մեկին, մի թղթով կանչեն։ Վաղն էլ կարող է կանչեն ու ասեն՝ 1896 թվականին ինչ-որ բան է եղել՝ դուք տեղյա՞կ եք։

Սա անիմաստ, անհեթեթ ու ծիծաղելի վարքագիծ է",- գրել է Շարմազանովը։