Հենրիխ Դանիելյանն ազատության մեջ է. Մամիջանյան

Հենրիխ Դանիելյանն ազատության մեջ է: Այս մասին գրել է ԱԺ "Պատիվ ունեմ" խմբակցության պատգամավոր Հայկ Մամիջանյանը, ով ավելի վաղ մեկնել էր Գյումրի Դանիելյանի հետքերով:

"Շտապում ենք Երևան՝ միանալու մեր ընկերների երթին",- գրել է պատգամավորը:

VERELQ-ն ավելի վաղ գրել էր, որ ըստ Դանիելյանի փաստաբան Բենիկ Գալստյանի՝ այսօր՝ ժամը 07:15-ին ոստիկանության աշխատակից ներկայացած առանց տարբերանշանների ինչ-որ անհասկանալի համազգեստով անձինք խաբեությամբ՝ խուզարկություն կատարելու պատրվակով մուտք են գործել ՀՀԿ երիտասարդական կազմակերպության նախագահ Հենրիխ Դանիելյանի բնակարան և նրան տարել անհայտ ուղղությամբ։

Այնուհետ պարզվեց, որ նրան տեղափոխել են Գյումրի: