29.03.2024
Որոշ եկեղեցականներ վախում էին քիթը Մարտի 1-ից հետո իրենց սև քողերի տակից հանել. Սիմոնյան
prev Նախորդ նորություն

Նորություններ գործընկերներից

Ցուցարարների մեծ մասը մարտական գործողությունների մասնակիցներ են. Օհանյանը` Քոչարյանին

Պաշտպանության նախկին նախարար, «Հայաստան» խմբակցության ղեկավար Սեյրան Օհանյանն արձագանքել է իշխող ուժի պատգամավոր Անդրանիկ Քոչարյանի՝ բանակի մոբիլիզացիոն ռեսուրսները ձերբակալված ցուցարարներով համալրելու «փայլուն» առաջարկին։


Սեյրան Օհանյանը ստիպած է եղել ԱԺ պաշտպանության և անվտանգության հարցերի մշտական ​​հանձնաժողովի նախագահ Անդրանիկ Քոչարյանին հիշեցնել, որ զորակոչի պլանը և պահեստազորի ուսուցումը չեն կարող ընտրովի լինել։ Նա նաեւ հարցրեց, թե արդյոք հանձնաժողովը վերահսկում է զինված ուժերի մոբիլիզացիայի եւ համալրման գործընթացը 44-օրյա պատերազմից առաջ, ընթացքում եւ հետո։


«Հանրահավաքների մասնակիցների մեծ մասը ոչ միայն ծառայել է բանակում, այլեւ մասնակցել է մարտական ​​գործողություններին»,- ընդգծեց Սեյրան Օհանյանը։


Ինչ է առաջարկել Անդրանի Քոչարյանը


Հայաստանի Ազգային ժողովի իշխող «Քաղաքացիական պայմանագիր» խմբակցության պատգամավոր, ԱԺ պաշտպանության և անվտանգության հարցերի մշտական ​​հանձնաժողովի նախագահ Անդրանիկ Քոչարյանն «փայլուն» առաջարկ է արել։


Նա, մասնավորապես, կոչ է արել ոստիկանությանը և Հայաստանի ազգային անվտանգության ծառայությանը հավաքել անհնազանդության գործողությունների ընթացքում բերման ենթարկված անձանց տվյալները և փոխանցել պաշտպանական գերատեսչություն։


Նրա խոսքով, այս օրերին ոստիկանությունը պարբերաբար բերման է ենթարկում Երևանի փողոցներում հասարակական կարգը խախտող քաղաքացիների, որոնց մի մասը, ենթադրաբար, եռամսյա պարապմունքից և պարտադիր զինվորական ծառայությունից խուսափած կոնտինգենտ է։


«Հաշվի առնելով վերը նշվածը՝ կոչ եմ անում ոստիկանությանը և ԱԱԾ-ին հավաքագրել այդ քաղաքացիների տվյալները, փոխանցել ՊՆ, որն էլ իր հերթին կօգտագործի այս «լավ պատրաստված» երիտասարդներին, ովքեր կարողանալ համալրել մեր բանակի մոբիլիզացիոն ռեսուրսները և մասնակցել Արցախի սահմանների անվտանգության ապահովմանը»,- ֆեյսբուքյան իր էջում գրել է պատգամավորը։


Միաժամանակ նա խոստացավ, որ առաջիկայում ԱԺ պաշտպանության եւ անվտանգության հանձնաժողովում այս թեմայով աշխատանքային քննարկում կանցկացվի։


Շատ ցավալի է, որ իշխող ուժի պատգամավորը զինվորական ծառայությունը հավասարեցնում է պատիժը կրելու վայրին (փոխաբերական ասած)։


VERELQ-ը հիշեցնում է, որ Հայաստանում ապրիլի 25-ից տեղի են ունենում ընդդիմության զանգվածային բողոքի ակցիաներ, որոնց մասնակցում են ՀՀ երկրորդ նախագահ Ռոբերտ Քոչարյանի "Հայաստան" դաշինքի, Հայաստանի Հանրապետական կուսակցության (ՀՀԿ) և Արթուր Վանեցյանի "Պատիվ ունեմ" խորհրդարանական դաշինքի կողմնակիցները:


Դրա պատճառը ՀՀ վարչապետ Նիկոլ Փաշինյանի հայտարարությունն էր Լեռնային Ղարաբաղի կարգավիճակի պահանջների "նշաձողի իջեցման" հնարավորության մասին։


Ակտիվիստները ցերեկը փակում են փողոցները, պիկետներ կազմակերպում մայրաքաղաքի տարբեր հատվածներում, իսկ երեկոյան երթեր են անցկացնում Երեւանի կենտրոնական փողոցներով ։


Մայիսի 1-ից ընդդիմությունը հայտարարեց անհնազանդության ակցիաների մասին։ Վրաններ են տեղադրվել Երևանի կենտրոնում։

Երևանում անցկացվող հավաքի կազմակերպիչները մտադիր են զավթել ԱԺ շենքը. ԱԱԾ
Հաջորդ նորություն next
 Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար
25.03.2024
Ադրբեջանական լրատվամիջոցներում Հայաստանի հասցեին հնչող սպառնալիքներն անընդունելի են. Կլաար