Ալիևը հայտարարել է Վրաստանի և ՀՀ-ի հետ եռակողմ համագործակցության պատրաստակամության մասին

Հետկոնֆլիկտային շրջանում Ադրբեջանը, Վրաստանը և Հայաստանը եռակողմ ձևաչափով փոխգործակցության լավ հնարավորություններ ունեն, և ադրբեջանական կողմը պատրաստ է դրան։

APA-ն հայտնում է, որ այսօր՝ ապրիլի 27-ին, այդ մասին հայտարարել է Ադրբեջանի նախագահ Իլհամ Ալիեւը Վրաստանի արտգործնախարար Իլյա Դարչիաշվիլիի հետ հանդիպմանը։

Ալիեւը վստահեցրել է, որ Վրաստանը կիսում է այս դիրքորոշումը եւ հույս հայտնել, որ «Հայաստանը կհասկանա, որ դա տարածաշրջանում կայունության եւ անվտանգության հաստատման միակ ճանապարհն է»։

Աղբյուրի համաձայն՝ Դարչիաշվիլին Ալիեւին է փոխանցել Վրաստանի վարչապետ Իրակլի Ղարիբաշվիլիի ողջույնները եւ Վրաստան այցելելու հրավերը։