Պուտինն աննպատակահարմար է համարել Մարիուպոլում "Ազովստալի" վրա գրոհը

ՌԴ նախագահ Վլադիմիր Պուտինը պաշտպանության նախարար Սերգեյ Շոյգուի հետ հանդիպման ժամանակ Մարիուպոլի Ազովստալ արդյունաբերական գոտու վրա հարձակումն անտեղին է համարել և հրամայել է չեղարկել այն, գրում է EADaily-ն։

«Արդյունաբերական գոտու առաջարկվող գրոհը տեղին չեմ համարում։ Հրամայում եմ չեղարկել... Կատակոմբներ մտնելու կարիք չկա, անհրաժեշտ է արգելափակել Ազովստալի արդյունաբերական գոտին, որպեսզի ճանճը չթռչի»,- ասել է Պուտինը։

Ռուսաստանի Դաշնության նախագահը նաև մարտական ​​հաջող աշխատանք է անվանել Մարիուպոլի ազատագրումը։ «Մարիուպոլի ազատագրման համար մարտական ​​աշխատանքների ավարտը հաջողություն է։ Շնորհավորում եմ»,- ասաց նա։

Վլադիմիր Պուտինը նաև հաստատել է, որ Մարիուպոլում բոլոր հանձնվածներին կյանքը երաշխավորված է։

Ավելի վաղ պաշտպանության նախարար Սերգեյ Շոյգուն Վլադիմիր Պուտինին ուղղված զեկույցում հայտնել էր, որ ռուսական զորքերը ազատագրել են Մարիուպոլը, սակայն երկու հազար զինյալ մնացել է «Ազովստալ» գործարանի տարածքում։ Նրա խոսքով, Ազովստալի գործողությունն ավարտելու համար 3-4 օր է պահանջվում։ «Քաղաքի ազատագրման ժամանակ ոչնչացվել է ավելի քան 4 հազ. զիվորական, 1478-ը հանձնվել է։ Մնացած խումբը՝ 2000-ից ավելին, արգելափակված է «Ազովստալ» գործարանի արդյունաբերական գոտում»,- ասաց նախարարը։

Շոյգուն նաև նշել է, որ ութ տարվա ընթացքում Մարիուպոլ են բերվել մեծ քանակությամբ զենք, ռազմական տեխնիկա, ծանր զրահատեխնիկա, քաղաքը «իրականում դարձել է հզոր ամրացված տարածք և Ազովի գումարտակի մայրաքաղաք»։