Ռուսաստանը կարող է հաստատել Հայաստանի վարորդական իրավունքը աշխատանքի համար

Ռուսաստանի կառավարությունը կարող է հաստատել Հայաստանի վարորդական վկայականները՝ վարորդական իրավունքի հետ կապված աշխատանքի համար։ Այս մասին հայտնում է ArmeniaOne Telegram ալիքը՝ ՌԴ կառավարության մամուլի ծառայությանը հղումով։

«Օրինագիծը միտված է Ռուսաստանի Դաշնության տարածքում տրանսպորտային միջոցներ վարելու հետ կապված ձեռնարկատիրական և աշխատանքային գործունեության իրականացման Հայաստանի Հանրապետության քաղաքացիների վարորդական իրավունքի ազգային վկայականները ճանաչելուն»,- ասված է կառավարության հաղորդագրության մեջ։

Ռուսաստանի Դաշնության Նախարարների կաբինետը կքննարկի «Ճանապարհային երթեւեկության անվտանգության մասին» դաշնային օրենքի 25-րդ հոդվածում փոփոխություններ կատարելու մասին դաշնային օրենքի նախագիծը։

Այժմ Ռուսաստանի Դաշնությունում արգելվում է տրանսպորտային միջոցներ վարել օտարերկրյա կամ միջազգային վարորդական վկայականների հիման վրա՝ տրանսպորտային միջոցներ վարելու հետ կապված ձեռնարկատիրական և աշխատանքային գործունեության իրականացման ժամանակ: