Red Wings-ը թռիչքներ է իրականացնում Սամարայից Երևան

Մարտի 27-ից Red Wings ավիաընկերությունը Սամարա-Երևան թռիչքներ է սկսելու։ Թռիչքները կիրականացվեն կիրակի օրերին ռուսական ժամանակակից SSJ100 ինքնաթիռներով՝ 100 նստատեղով։

Այս մասին հայտնում է ավիաընկերության մամուլի ծառայությունը։

Տոմսերն արդեն վաճառվում են ավիաընկերության flyredwings.com կայքում և գործակալների միջոցով։ Վաճառքը բաց է մինչև գալիք ամառային սեզոնի ավարտը՝ 2022 թվականի հոկտեմբերի 23-ը։

Սամարա-Երևանը կլինի Red Wings-ի առաջին միջազգային ուղղությունը Կուրումոչ միջազգային օդանավակայանից։

Red Wings նավատորմի SSJ100 ինքնաթիռները պատկանում են ռուսական լիզինգային ընկերություններին, որոնք գրանցված են Ռուսաստանի Դաշնության ավիացիոն ռեգիստրում, ապահովագրված և վերաապահովագրված են ռուսական ապահովագրական ընկերությունների կողմից, ինչը թույլ կտա ավիաընկերությանը կատարել իր պարտավորությունները միջազգային թռիչքների բոլոր ուղևորների նկատմամբ: