Արցախում հաստատվել է կորոնավիրուսային հիվանդության 10 նոր դեպք

Մարտի 8-ին Արցախում կատարվել է 78 թեստավորում, որի արդյունքում մարտի 9-ի ժամը 11:00-ի դրությամբ հաստատվել է կորոնավիրուսային հիվանդության 10 նոր դեպք:

Արցախի առողջապահության նախարարությունից տեղեկացնում են, որ ստացիոնար բուժվող քաղաքացիների թիվն այս պահին  30 է:

Այսպիսով, 2022 թվականին կատարվել է 9947 թեստավորում, հաստատվել է կորոնավիրուսային հիվանդության ընդհանուր 3042 դեպք: Ընդհանուր առմամբ, կորոնավիրուսի հետևանքով մահվան 39 դեպք է արձանագրվել: