Հայաստանն ու Սիրիան վերսկսում են կանոնավոր ավիաչվերթները

Հայաստանն ու Սիրիան վերսկսում են կանոնավոր ավիաչվերթները։

Հայաստանի կառավարությունը հինգշաբթի օրը կայացած նիստում հավանություն է տվել համապատասխան միջպետական համաձայնագրի նախագծին։

Նախագծի հիմնավորման մեջ նշվում է, որ համաձայնագրի վավերացումը կօգնի նոր կանոնավոր ավիաչվերթների ձեւավորմանը Հայաստանի եւ Սիրիայի միջեւ, ինչպես նաեւ թույլ կտա աշխուժացնել երկկողմ տնտեսական կապերը:

VERELQ-ը հիշեցնում է, որ 2021 թվականի սեպտեմբերի 4-ին Հալեպի օդանավակայանը ընդունել է 2011 թվականից ի վեր առաջին չվերթը Երևանից։

Սիրիայի տրանսպորտի նախարարությունն այն ժամանակ հայտարարել էր, որ այդպիսով վերականգնվում է երկու պետությունների միջև ավիահաղորդակցությունը։