Մենք ունենք ինչպես օտարերկրյա, այնպես էլ ուղղակի ներդրումների աճ. Վահան Քերոբյան

Մենք ունենք ինչպես օտարերկրյա, այնպես էլ ուղղակի ներդրումների աճ։

Այս մասին այսօր՝ փետրվարի 10-ին, լրագրողների հետ ճեպազրույցում հայտարարեց ՀՀ էկոնոմիկայի նախարար Վահան Քերոբյանը։

"Արդեն հրապարակվել են ներդրումների վերաբերյալ տվյալները առաջին 9 ամիսների ընթացքում։ Կարող եմ ուրախությամբ ասել, որ մենք ունենք ինչպես օտարերկրյա, այնպես էլ ուղղակի ներդրումների տպավորիչ աճ", - ասաց նա։

Բացի այդ, նրա խոսքով, աշխատանքներ են տարվում ներդրումների ավելացման ուղղությամբ։