Նկատվում է եվրոպական ընկերությունների միգրացիա դեպի Հայաստան. Վահան Քերոբյան

Վերջին ամիսներին եվրոպական ընկերությունների միգրացիա է նկատվում, այդ թվում՝ Հայաստան։ Այս մասին փետրվարի 3-ին լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը։

Նա հայտնեց, որ Կոտայքի մարզի Չարենցավան քաղաքում իտալական խոշոր ընկերությունը հյուրանոցների համար տեքստիլ արտադրող ձեռնարկություն է հիմնել:  Նրա խոսքով՝ մի շարք եվրոպական ընկերությունների ներկայացուցիչների հետ քննարկումներ են ընթանում Չինաստանից Հայաստան դրանց միգրացիայի հնարավորության շուրջ։  «Վաղը հանդիպումներ կլինեն չորս իտալական ընկերությունների ներկայացուցիչների հետ»,- պարզաբանել է Քերոբյանը։