Խաչատրյանին նախագահի պաշտոնում առաջադրելու մասին հրապարակումները 99 տոկոսով ճիշտ են

Իշխող «Քաղաքացիական պայմանագիր» կուսակցության վարչության անդամ, համանուն խմբակցության պատգամավոր Վահագն Հովակիմյանը հայտարարել է, որ բարձրտեխնոլոգիական արդյունաբերության նախարար Վահագն Խաչատրյանին նախագահի պաշտոնում իշխող ուժից առաջադրելու մասին հրապարակումները «99 տոկոսով ճիշտ են»:

Պատգամավորը խնդրեց ասվածը չհամարել պաշտոնական հաստատում՝ հորդորելով դիմել իշխող ուժի խմբակցության ղեկավարին կամ քարտուղարին: «Ես լիազորված չեմ նման հայտարարություններ անել։ Ես ընդամենը ասացի, որ այս անգամ մամուլում հրապարակումները, ըստ էության, շատ, շատ մոտ են իրականությանը», - հայտարարեց Հովակիմյանը։ Նա չբացառեց, որ խմբակցությունն արդեն այսօր պաշտոնապես կհայտարարի թեկնածուին:

Նշենք, որ այս պահին ընթանում է խմբակցության փակ հանդիպումը Վահագն Խաչատրյանի հետ: