ՌԴ խաղաղապահները մեկ օրում ապահովել են ավելի քան 400 մեքենաների անվտանգ մուտքը Ղարաբաղ
Ռուսական խաղաղապահ զորախմբի զինծառայողները մեկ օրում ապահովել են ավելի քան 400 միավոր ավտոմեքենաների և մոտ 1,5 հազար մարդու անվտանգ մուտքը Լեռնային Ղարաբաղ և հակառակ ուղղությամբ: Այս մասին հայտնում է Ռուսաստանի Պաշտպանության նախարարությունը։
Շուրջօրյա ռեժիմով զինծառայողները ապահովում են իրադրության մոնիթորինգ եւ հրադադարի ռեժիմի պահպանման վերահսկողություն բոլոր 27 դիտակետերում՝ Լեռնային Ղարաբաղի սահմանազատման գծի եւ Լաչինի միջանցքի երկայնքով:
«Ռուսական խաղաղապահ զորախմբի դիտորդական պաշտոններն աշխատում են սովորական ռեժիմով։ Հնարավոր սադրանքները թույլ չտալու նպատակով զննության են ենթակա բոլոր մեքենաները, իսկ անհրաժեշտության դեպքում կատարվում է դրանց զննումը, ինչպես նաեւ վերահսկողություն է իրականացվում հրադադարի ռեժիմի պահպանման նկատմամբ», - ասել է ռուսական խաղաղապահ զորախմբի ներկայացուցիչ Իվան Կալինինը:
Ռուսական խաղաղապահ զորախմբի բոլոր դիտակետերը սարքավորված են «Բլոկպոստ» ամրաշինական կառույցներով, որոնք նախատեսված են զինծառայողներին հրաձգային զենքից եւ բեկորներից պաշտպանելու, ինչպես նաեւ հարակից տարածքին շրջանաձեւ հսկողություն իրականացնելու համար:
Դիտակետերում ծառայության կազմակերպման, կենցաղի կազմակերպման, խաղաղապահ ստորաբաժանումների անձնակազմի ֆիզիկական պատրաստության և հանգստի պարապմունքների կազմակերպման համար կառուցվել են բլոկա-մոդուլային ավաններ, ստեղծվել են հարմարավետ և ժամանակակից պայմաններ:
Ընթացիկ իրադրությունը վերահսկելու համար բոլոր դիտակետերը հագեցած են տեսահսկման ժամանակակից փողոցային գմբեթավոր խցիկներով: