Լարսը փակ է բեռնատարների համար. Ռուսաստանի կողմից կուտակվել է ավելի քան 50 բեռնատար

ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ և դժվարանցանելի ավտոճանապարհներ:

Ամբերդ բերդից Արագածոտնի մարզի Քարի լիճ տանող ավտոճանապարհը փակ է: Վարդենյաց լեռնանցքը դժվարանցանելի է կցորդիչով բեռնատարների համար:

Շիրակի մարզի Ամասիա-Բավրա ավտոճանապարհը դժվարանցանելի է: Սյունիքի մարզի ավտոճանապարհներին տեղ-տեղ առկա է մերկասառույց:

Վայոց Ձորի մարզի Ջերմուկ, Լոռու մարզի Վանաձոր քաղաքներում և Կոտայքի մարզի Հրազդան քաղաքում և Ֆանտան գյուղում տեղում է ձյուն:

Լարսի մասին

Վրաստանի ՆԳՆ ԱԻՆ դեպարտամենտից և ՌԴ ԱԻՆ Հյուսիսային Օսիայի Հանրապետության գլխավոր վարչությունից ստացված տեղեկատվության համաձայն Ստեփանծմինդա-Լարս ավտոճանապարհը փակ է բեռնատար ավտոմեքենաների համար: Ռուսաստանի կողմից կուտակվել է ավելի քան 50 բեռնատար:

Վարորդներին խորհուրդ է տրվում երթևեկել բացառապես ձմեռային անվադողերով: