Էրդողանի և Պուտինի հանդիպման օրը հայտնի է

Թուրքիայի և ՌԴ նախագահներ Ռեջեփ Թայիփ Էրդողանի ու Վլադիմիր Պուտինի հանդիպումը կկայանա օգոստոսի 9-ին Սանկտ-Պետերբուրգում: Այդ մասին հայտարարել է Թուրքիայի փոխվարչապետ Մեհմեդ Շիմշեքը՝ ՌԴ փոխվարչապետ Արկադի Դվորկովիչի հետ հանդիպման ժամանակ:

Շիմշեքը նշել է, որ Թուրքիայի դեսպանը տեղեկացրել է իրեն, որ հանդիպման ժամանակացույցն ու վայրը համաձայնեցվել է կողմերի կողմից: Նա նշել է, որ գտնվում է ՌԴ-ում Թուրքիայի հետ հարաբերությունների կարգավորման համար: Ըստ նրա, իրենք ցանկանում են, որ հարաբերություններ լինել ավելի բարձր մակարդակի վրա, քան եղել են մինչև 2015թ.-ի նոյեմբերի 24-ը:

Շիմշեքը ռուսական կողմին շնորհակալություն է հայտնել Թուրքիայում վերջին շրջանում տեղի ունեցած զարգացումների ժամանակ աջակցության համար:

Հիշեցնենք, Էրդողանը մինչ այդ հայտարարել էր, որ պայմանավորվել է Պուտինի հետ հանդիպման մասին Չինաստանում՝ G20-ի գագաթաժողովի ընթացքում: