Թուրքիայի քաղաքականությունը տարածաշրջանում որոշում է մի քանի գործոն: Առաջինը՝ Էրդողանի կուսակցության իշխանության օրոք, հատկապես երբ ԱԳ նախարար էր Դավութօղլուն, նոր օսմանական քաղաքականությունը գերիշխող էր Թուրքիայի արտաքին քաղաքականության մեջ: Փորձ էր արվում անգամ միավորել թյուրքական հանրապետությունները: Այդ մասին հայտարարել է փորձագետ Իքբալ Դյուրրեն: Նա նշել է, որ Թուրքիայի արտաքին քաղաքականության հիմքում այժմ ընկած է քրդական հարցը: Ըստ նրա, Թուրքիան զգուշանում է, որ քրդերը՝ամերիկացիների աջակցությամբ ինքնավարություն կստանան Սիրիայի հյուսիսում, որը ապագայում կարող է միավորվել Իրաքյան Քրդստանի հետ: Փորձագետը հավելել է, որ Թուրքիան ամեն ինչ անելու է դա թույլ չտալու համար:
