ԱՄՆ-ի և Իրանի հարաբերություններում դրական փոփոխություններ չեն լինի, եթե Վաշինգտոնը չչեղարկի հակաիրանական պատժամիջոցները: ՌԻԱ Նովոստիի փոխանցմամբ այս մասին ասել է Իրանի նախագահ Հասան Ռոհանին: «Եթե Միացյալ Նահանգները չհրաժարվի պատժամիջոցներից, ինչպես նաև չհրաժարվի կեղծ ընտրված ճանապարհից մենք ոչ մի դրական փոփոխություն չենք տեսնի: Վաշինգտոնում է դրական փոփոխությունների բանալին», - ասել է Ռոհանին իրանական հեռուստատեսության կողմից հեռարձակված ելույթի ընթացքում: Նա նաև մեկնաբանել է Արևմուտքում հնչող այն հայտարարությունները, թե պետք է խոչընդոտել Իրանին միջուկային զենք ստանալ և ևս մեկ անգամ շեշտել, որ Թեհրանը դրան չի ձգտում:
