Լավրովը հայտարարել է սիրիական պատերազմի ավարտի մասին

Ռուսաստանի ԱԳՆ ղեկավար Սերգեյ Լավրովը հայտարարել է, որ Սիրիայում պատերազմն «իրոք ավարտվել է»։ Նրա խոսքերով՝ սիրիական պետությունը աստիճանաբար վերադառնում է նորմալ, խաղաղ կյանքին։

Նա նշել է, որ լարվածության օջախներ կարելի է նկատել միայն այն տարածքներում, որոնք չեն վերահսկվում Սիրիայի արաբական հանրապետության կառավարության կողմից, մասնավորապես Իդլիբում։

Նախարարը հավելել է, որ ստեղծված իրավիճակում առաջին տեղում Սիրիային մարդասիրական օգնություն ցուցաբերելու, ինչպես նաև քաղաքական կայունության հասնելու հարցն է։