Աշխարհը չի կարող ապրել Պարսից ծոցում լուրջ առճակատման պայմաններում. ՄԱԿ գլխավոր քարտուղար

Աշխարհը չի կարող ապրել Պարսից ծոցում լուրջ առճակատման պայմաններում, հայտարարել է ՄԱԿ գլխավոր քարտուղար Անտոնիո Գուտերեշը՝ խոսելով ԱՄՆ-ի եւ Իրանի միջեւ ճգնաժամի խորացման մասին:

Նրա խոսքով՝ «բացարձակապես անհրաժեշտ է խուսափել իրավիճակի ցանկացած սրումից»: Ընդ որում՝ նա նշել է, որ ինքն «առանձնահատուկ պատկերացում չունի» սեպտեմբերի 23-ին Գլխավոր վեհաժողովում համաշխարհային առաջնորդների ամենամյա հանդիպման ժամանակ ԱՄՆ նախագահ Դոնալդ Թրամփի եւ Իրանի նախագահ Հասան Ռոհանիի հանդիպման հնարավորության վերաբերյալ:

Նա ասել է, որ առճակատումից խուսափելու ցանկացած փորձ «միշտ էլ ողջունելի է»: