ԱՄՆ նախագահ Դոնալդ Թրամփը կարծում է, որ սաուդցի լրագրող Ջամալ Խաշոգջիի սպանության մեջ մեղավոր է աշխարհը, որ դաժան վայր է հանդիսանում։ Այսպիսի կարծիք ամերիկյան առաջնորդը լրագրողներին հայտնել է հինգշաբթի օրը՝ Ֆլորիդա նահանգում գտնվող իր Mar-a-Lago կալվածքում, որտեղ նա անցկացնում է Երախտագիտության օրը՝ տեղեկացնում է ՏԱՍՍ-ը։ Այդ մասին նախագահն ասել է, երբ նրան հարցրել են, թե լրագրողի սպանության համար ում պետք է պատասխանատվության ենթարկել։ «Հնարավոր է՝ պատասխանատվության պետք է ենթարկել աշխարհին, որը դաժան վայր է հանդիսանում։ Աշխարհը շատ դաժան վայր է»,- նշել է նա։
