Թեհրանը կշարունակի մեծացնել իր ռազմական հզորությունը և աշխատել հրթիռային ծրագրի ուղղությամբ: Այդ մասին այսօր հայտարարել է Իրանի նախագահ Հասան Ռոհանին Իսլամական հեղափոխության 40-ամյակին նվիրված միջոցառման ժամանակ: «Իրանին թույլտվություն հարկավոր չէ իր հրիթռային ծրագիրը զարգացնելու համար: Իրանի թշնամիները չեն կարողանա իրենց նպատակներին հասնել, իսկ երկիրը կշարունակի այն ուղեգիծը, որն ընտրվել է 40 տարի առաջ»,- ասել է նա: