Հայաստանից էլեկտրաէներգիայի արտահանումը կրճատվել է, ներկրումը՝ աճել: Այս մասին գրում է էներգետիկ ոլորտի փորձագետ Վահե Դավթյանը:"2021 թ.-ին Հայաստանից արտահանվել է 995,2 մլն կՎտ.ժ էլեկտրաէներգիա, ինչը 2020 թ.-ին արտահանված 1 մլրդ 333,1 մլն կՎտ.ժ-ի համեմատ նվազել է 25.3%: Ցուցանիշը ճգնաժամային է ու խոսում է արտահանման քաղաքականության շարունակական ձախողման մասին: Հատկանշական է, որ 2021 թ.-ին Հայաստանում էլեկտրաէներգիայի ներմուծման ծավալն ավելացել է 15 %-ով՝ 2020 թ.-ի 320,3 մլն կՎտ.ժ-ի համեմատ կազմելով 368,5 մլն կՎտ.ժ:Սա է Հայաստանի էներգետիկ անվտանգության, ավելի ճիշտ՝ դրա բացակայության մոդելը",- գրել է Դավթյանը:
