Ղազախստանի շուրջ զարգացումները իրապես հետաքրքիր են այնքանով, որ ՀԱՊԿ խաղաղապահների մուտքը Ղազախստան, իսկ այնուհետև դուրս գալը ամենեւին էլ ՌԴ դիրքերը չամրացրեցին Ղազախստանում, եթե չասենք հակառակը՝ Ղազախստանն ավելի է մխրճվում թյուրքական «սև խոռոչի» մեջ: Այս մասին գրում է քաղաքագետ Արա Պողոսյանը՝ նշելով, որ դրանում շահագրգիռ կողմերից են և՛ Արեւմուտքը, և՛ ԱՄՆ-ն։ "Ավանդաբար Ղազախստանում առավել շահագրգիռ են եղել հարաբերությունների դիվերսիֆիկացիային, մասնավորապես Չինաստանի հետ, և հաճախ Չինաստանը նաև շահագրգիռ կողմ էր Ղազախստանի արտաքին քաղաքականության վեկտորի շեղումը ռուսական ծիրից։ Սակայն հիմա, կարծես թե, Չինաստանի համար էլ խնդիր է Ղազախստանի համաթյուրքականության ծիրում հայտնվելը։Ինչևէ, թուրքական գործոնը գնալով մեծանում է, և իսկապես՝ Ռուսաստանը մինչ փորձում է իր կայսերական նպատակները ամրագրել արեւմտյան ճակատում, արևելյան և հարավային ճակատում թյուրք-արևմտյան աքցանի մեջ է հայտնվում",- գրել է քաղաքագետը։ Նշենք, որ այսօր Բաքվում տեղի կունենա Ադրբեջանի, Թուրքիայի և Ղազախստանի ԱԳ նախարարների առաջին եռակողմ հանդիպումը:
