Նիկոլ Փաշինյանը բացառապես իր լսարանի հետ է խոսում։ Սերիալային լսարանի։ Այն լսարանի, որի համար կադաստրի թուղթն ու Կասանդրան բարձրագույն արժեք են։ Այս մասին գրում է ԱԺ "Հայաստան" խմբակցության պատգամավոր, «Մայր Հայաստան» շարժման առաջնորդ Անդրանիկ Թևանյանը: "Նա դաժանաբար խաբում է իր լսարանին, բայց տուժելու են բոլորը։Նիկոլի «կադաստրային խաղաղասիրությունը» հենված է երկու կեղծ ու սարսափելի կոդերի վրա։ Մեկով Արցախի հանձնելն է արդարացնում, մյուսով՝ Հայաստանի հանձնելը։ Կոդ 1–ին՝ Արցախը հանձնում ենք Ադրբեջանին, որ փրկենք 29.800 քառակուսի կիլոմետրանոց Հայաստանն ու կադաստրի թուղթ ստանանք Ադրբեջանից։ Կոդ 2–րդ՝ Հայաստանի գյուղերը հանձնում ենք Ադրբեջանին, բայց «զատո» դրա դիմաց կարող ենք Արծվաշենը ստանալ (դե՛, 44–օրյա պատերազմի օրերի Գետաշենի պես, էլի՛) ու կադաստրի թղթով խաղաղ ապրել։Այս երկու կոդերն էլ Հայաստանի գոյության դեմ են ուղղված։ Դրանք ջարդելն ու մարդկանց մոբիլիզացնելն է «Մայր Հայաստան» շարժման ամենօրյա աշխատանքը թե՛ քարոզչական դաշտում, թե՛ «գետնի վրա»",- գրել է Թևանյանը։