Եթե այդ ձև է իրեն պահում, ուրեմն գործերը լավ չի։ Այս մասին հայտարարել է «Բարգավաճ Հայաստան» կուսակցության առաջնորդ Գագիկ Ծառուկյանը՝ մեկնաբանելով Նիկոլ Փաշինյանի վերջին հայտարարությունները ցեմենտի գործարանի մասով: "Վերջինիս վարքագիծը պայմանավորված է քաղաքական իրավիճակով և հանրային աջակցությունը կորցնելու գիտակցմամբ։ Հարցումներ են անում, տեսնում են, որ առաջվանը չկա։ Այս ութ տարվա ընթացքում, բացի սուտ ասելուց, խաբելուց, այլ բան չեն արել: Ինչեր էին ասում՝ ինքը չի եկել Ղարաբաղը հանձնելու, եկել է կարգավորելու, եկել է ժողովրդի մատից փուշ հանելու, արագաչափերը փակելու... Պատերազմը նույնպես եղել է իշխանությունների քաղաքականության հետևանք",- ասել է Ծառուկյանը: Փաշինյանի ներկայիս պահվածքը կապված է քաղաքական ապագայի վերաբերյալ մտահոգությունների հետ,  «Գիտի, որ վերջը եկել է, էլ ո՛չ ասելու բան ունի, ՛ոչ անելու, ո՛չ էլ ծրագիր ունի։ Կարող եմ գրել ու ստորագրել», - շեշտել է Ծառուկյանը։ Ըստ նրա՝ երկրի հիմնական սպառնալիքներն այսօր Ալիևն ու Փաշինյանն են. «Ժողովուրդը իրականություն է ուզում՝ խաղաղություն, ներդրումներ, բարեկեցիկ կյանք, սա է հիմնական խնդիրը։ Ինչ սկիզբ ունի, ունի նաև վերջ», - հավելեց Գագիկ Ծառուկյանը։