Նախօրեին նոր ձերբակալություններ են տեղի ունեցել ՀՀ ԶՈՒ շարքերում: Ձերբակալվել են գեներալ-մայոր Մելս Չիլինգարյանը, գնդապետներ Արմեն Մարգարյանը և Մհեր Պապյանը: Այս մասին VERELQ-ին տեղեկացրեցին ՀՀ Քննչական կոմիտեից: Զինվորականները ձերբակալվել են տարբեր քրեական գործերի շրջանակներում: Այդ թվում և՝ մատակարարված անորակ ապրանքներն ընդունելու, իսկ մեկ այլ դեպքում՝ ըստ նախնական տվյալների, ուռճացված գներով գնումներ կատարելու մեջ: Նշենք, որ Մելս Չիլինգարյանը ՀՀ Զինված ուժերի սպառազինության վարչության պետն է:
