VERELQ-ն արդեն տեղեկացրել է, որ մայիսի 14-ին կայանալիք Երևանի ավագանու ընտրություններին մասնակցելու հայտ ներկայացրել է ընդամենը երեք քաղաքական ուժ՝ Հանրապետական կուսակցությունը, «Ելք» դաշինքը և նորաստեղծ «Երկիր ծիրանի» կուսակցությունը: Արդեն հայտնի է, որ ՀՀԿ նախընտրական շտաբը, ինչպես և Երևանի ավագանու նախորդ ընտրությունների ժամանակ, գլխավորելու է Հանրապետական կուսակցության խոսնակ Էդուարդ Շարմազանովը: Ցուցակը գլխավորում է Երևանի գործող քաղաքապետ Տարոն Մարգարյանը, որն էլ հավակնում է պահպանել այս պաշտոնը նաև մայիսի 14-ից հետո: Ցուցակը ներառելու է 195 անուն: ՀՀԿ ցուցակի առաջին տասնյակն ունի հետևյալ պատկերը՝ 1. Տարոն Մարգարյան 2. Սմբատ Լպուտյան3. Հովիկ Մուսայելյան4. Աստղիկ Գևորգյան5. Արա Երնջակյան6. Մարտին Վարդազարյան7. Լևոն Իգիթյան8. Աննա Ասատրյան9. Երվանդ Երզնկյան10. Միքայել Պողոսյան   Ապրիլի 2-ին կայացած խորհրդարանական ընտրություններին լավ արդյունք արձանագրած և ԱԺ-ում հայտնված «Ելք» դաշինքը ևս կմասնակցի Երևանի ավագանու ընտրություններին: Ցուցակը գլխավորելու է Նիկոլ Փաշինյանը: Դաշինքի ցուցակում ներկայացված է 63 անուն, առաջին տասնյակն ունի հետևյալ պատկերը՝ 1. Փաշինյան Նիկոլ Վովայի2. Հարությունյան Արայիկ Էդուարդի3. Խաժակյան Դավիթ Ռուբենի4. Բախշյան Անահիտ Ներսեսի5. Աթյան Աշոտ Միխայիլի6. Սիմոնյան Ալեն Ռոբերտի7. Խաչատրյան Անի Արշալույսի8. Սամսոնյան Անի Տաճատի9. Ավինյան Տիգրան Արմենի10.Ղահրամանյան Սերգեյ Արսենի   ԱԺ նախկին պատգամավոր Զարուհի Փոստանջյանը Երևանի ավագանու ընտրություններին մասնակցելու է 50 հոգանոց ցուցակով: Արդեն նշել ենք, որ նորաստեղծ «Երկիր ծիրանի» կուսակցության քաղաքապետի թեկնածուն հենց ինքն է՝ Փոստանջյանը:  Կուսակցության առաջին տասնյակն ունի հետևյալ տեսքը՝ 1. Զարուհի Փոստանջյան 2. Մնացական Պարակշիև 3. Սոնա Աղեկյան 4. Հայկ Պետրոսյան5. Մարինա Խաչատրյան6. Կարապետ Աղաջանյան7. Տիգրան Փաշաբեզյան8. Լիլիա Դիլանյան9. Վահան Համազասպյան10. Գայանե Դավթյան Հիշեցնենք, նախընտրական քարոզչությունը կմեկնարկի ապրիլի 21-ից: