ԵԱՀԿ Մինսկի խմբի համանախագահները տարածաշրջան կայցելեն հոկտեմբերի վերջ: Այս մասին Բաքվում լրագրողներին հայտնել է ԱՄՆ պետքարտուղարի Եվրոպայի ր Եվրազիայի հարցերով օգնականի խորհրդական Ջորջ Քենթը: «Մինսկի խմբի համանախագահները Հայաստան և Ադրբեջան կայցելեն երկու շաբաթից: Այցի շրջանակում նրանք կհորդորեն կողմերին նվազեցնել լարվածությունը տարածաշրջանում», -ասել է նա: Քենթը նաև նշել է, որ ՀՀ վարչապետի և Ադրբեջանի նախագահի հանդիպումը Դուշանբեում «շատ դրական ազդակ է»: Նա նկատել է, որ այդ հանդիպումից հետո լարվածությունը շփման գծում նվազել է: «Մենք մշտապես կողմերին կոչ ենք անում նվազեցնել լարվածությունը: ԱՄՆ-ն, որպես ԵԱՀԿ Մինսկի խմբի համանախագահող երկիր, անում է ամեն հնարավորը ղարաբաղյան հակամարտության խաղաղ կարգավորման համար», - հավելել է նա:
