Վիրավոր ոստիկանը մահացել է հիվանդանոցում: Նա վիրավորում էր ստացել HSBC բանկի վրա հարձակված անձին վնասազերծելիս: «Ավաղ, բժիշկներին չհաջողվեց փրկել ավազակային հարձակում կատարածի արձակած գնդակից հրազենային վնասվածք ստացած ոստիկանի կյանքը։ Ոստիկանության ավագ ենթասպա Արա Շախգուլյանը, չնայած վիրահատությանն ու բժիշկների բոլոր ջանքերին, մահացավ։ Երկու երեխաների հայր, ՊՊԾ ջոկի հրամանատարը համակարգում էր 2000 թվականից»,- Facebook-յան իր էջում գրել է ՀՀ ոստիկանության հասարակայնության հետ կապերի վարչության ղեկավար Աշոտ Ահարոնյանը։ Հիշեցնենք, HSBC բանկի վրա ավազակային հարձակում կատարած անձը ոստիկանության գնդապետ է:
