ԱԱԾ պետը, ՊԵԿ նախագահն ու փոխվարչապետն այցելել են Բագրատաշեն

Պետական եկամուտների կոմիտեի նախագահ Դավիթ Անանյանի և Ազգային անվտանգության ծառայության պետ Արթուր Վանեցյանի ուղեկցությամբ փոխվարչապետ Մհեր Գրիգորյանը հուլիսի 24-ին այցելել է Բագրատաշենի սահմանային անցման կետ:

ՊԵԿ-ից հայտնում են, որ պաշտոնյաները շրջայց են կատարել սահմանային անցակետի տարածքում, ծանոթացել պայմաններին և ծառայությունների մատուցման ընթացքին:

Նրանք տեղում հանձնարարականներ են տվել նկատված թերությունների շտկման վերաբերյալ:

Հիշեցնենք, վերջին շրջանում Բագրատաշեն անցակետում հերթեր են գոյանում, մարդիկ ստիպված են լինում մի քանի ժամ անցկացնել հերթերում: