Այդ քվեարկությամբ ՀՀԿ-ն և նրան աջակցող ուժերը ՀՀ-ում պաշտոնապես հայտարարել են հակահեղափոխություն: Եվ ուրեմն Հանրապետական կուսակցությունը պետք է արմատախիլ արվի: Այս մասին Բաղրամյան պողոտայում, ԱԺ շենքի դիմաց հանրահավաքում հայտարարեց ՀՀ վարչապետ Նիկոլ Փաշինյանը:«Հայաստանի քաղաքական դաշտից պետք է արմատախիլ արվեն նաև այն ուժեը, որոնք աջակցել են ՀՀԿ-ին»,- հայտարարեց նա հավաքվածների ծափողջյունների ներքո:«Բայց բոլորս էլ տեսնում ենք, որ նրանց մոտ դա չի ստացվի, հակահեղափոխությունը Հայաստանում շանս չունւ»,- հայտարարեց Փաշինյանը: 21.40 Նիկոլ Փաշինյանը հայտարարեց, որ այս պահից սկսած «Բարգավաճ Հայաստան» և Դաշնակցություն կուսակցությունների ներկայացուցիչները կառավարությունում` նախարարներն ու մարզպետները ազատված են պաշտոններից:
