Կորոնավիրուսի կանխարգելման նպատակով կենտրոնական բանկը շրջանառության մեջ գտնվող օգտագործված թղթադրամներն աստիճանաբար կփոխարինի նոր թղթադրամներով։ Միաժամանակ ԿԲ-ի մամուլի ծառայությունը հորդորում է հնարավորինս օգտվել անկանխիկ վճարամիջոցներից և առցանց բանկային ծառայություններից: Հայաստանում մարտի 12-ի դրությամբ հաստատվել է կորոնավիրուսով հիվանդացության չորս դեպք: Բոլոր պացիենտները հոսպիտալացված են ինֆեկցիոն հիվանդանոցում: Առողջապահության նախարարությունից հայտնում են, որ հանրապետությունում մինչ օրս իրականացվել է 262 հետազոտություն: Այս պահի դրությամբ 57 անձ մեկուսացվել է հատուկ պահման վայրում, որտեղ արդեն մեկուսացված էին ևս 31 հոգի։
