Նիկոլ Փաշինյանի ապաշնորհ կառավարման արդյունքում ոստիկանությունը՝ որպես իրավապահ մարմին, ներկա պայմաններում պարզապես գոյություն չունի։ Այս մասին Twitter-ի իր միկրոբլոգում գրել է ՀՀ ԱԱԾ նախկին տնօրեն Արթուր Վանեցյանը։ «Երեկ Գավառում տեղի ունեցած իրադարձություններն ամբողջությամբ փաստում են այն իրողությունը, որ Նիկոլ Փաշինյանի ապաշնորհ կառավարման արդյունքում ոստիկանությունը՝ որպես իրավապահ մարմին, ներկա պայմաններում պարզապես գոյություն չունի»,- Թվիթերի իր միկրոբլոգում նշել է նա։ VERELQ-ը հիշեցնում է, որ ապրիլի 28-ին, ժամը 17.40-ի սահմաններում Գավառում կրակոցների հետևանքով կա երկու զոհ և վիրավորներ: ԶԼՄ-ները ավելի ուշ գրեցին, որ վիրավորները հիվանդանոցում սպանվել են իրենց կողմից սպանվածների հարազատների կողմից, սակայն այսօր ոստիկանությունը հերքեց այդ լուրը:
