Խորհրդարանական ընդդիմությունը ՀՀ քաղաքացիներին կոչ է անում դուրս գալ փողոց և ապրիլի 5-ին, ժամը 18։30-ին հրավիրում Ազատության հրապարակ հանրահավաքի։ Այս մասին Ազգային ժողովում հայտարարեց ԱԺ փոխխոսնակ Իշխան Սաղաթելյանը։ Նա նշեց, որ այս իշխանությունն անկարող է կազմակերպել երկրի պաշտպանությունը, հետևապես իրենք առաջարկում են ՀՀ քաղաքացիներին դուրս գալ փողոց և միասին քննարկել, թե ինչպե՞ս պահել Արցախը: «Եկեք միասին քննարկենք, թե ինչպես պահենք Արցախը, ինչպես պաշտպանենք Հայաստանը, ինչպես հանուն Հայաստանի ու Արցախի անվտանգության քայլեր ու գործողություններ ձեռնարկենք», - հայտարարեց նա։
