Նախօրեին մի տեսանյութ էր տարածվել, որտեղ երևում է, թե ինչպես է մի կին պատշգամբից թքում, մի քանի անգամ միջնամատ ցույց տալիս այդ պահին պատուհանների տակով անցնող ցուցարարներին։ Ավելի ուշ պարզվեց, որ նման անվայելուչ վարքագծով աչքի է ընկել Ազգային ժողովի նախագահ Ալեն Սիմոնյանի մայրը։ Համացանցում տեսանյութն ակտիվ տարածում գտավ, ինչին ի պատասխան ԱԺ նախագահը հանդես եկավ պարզաբանմամբ. «Այո, մեր տան մոտ ա եղել էդ ամեն ինչը։ Ներքևից իմանալով, որ դա մեր բնակարանն ա, ցուցարարների կողմից վիրավորանքներ են հնչել իմ հասցեին և իմ ընտանիքի հասցեին, որին ի պատասխան մայրիկի նյարդերը չի դիմացել», - նշել է Սիմոնյանը։ Իրականում տեսանյութից էլ երևում է, որ որևէ հայհոյանք ու վիրավորանք չի հնչել:
