Ադրբեջանի պետական նավթային ընկերությունը(SOCAR) չի բացառում ռուսական գազի առաքումներն Իրան Ադրբեջանի տարածքով: Այդ մասին լրագրողներին հայտարարել է ընկերության նախագահ Ռովնաղ Աբդուլաևը՝ մեկնաբանելով ռուսական Գազպրոմի՝ Իրան առաքումների մասին տեղեկությունները: Նրա խոսքով, այդ գործողություններում կարող են ներգրավել ադրբեջանական գազամուղները: Ըստ նրա, իրենք այդպիսի առաջարկ դեռևս չեն ստացել և եթե այդ ուղղությունը ձեռնտու լինի, ապա դա չի կարելի բացառել: Մինչ այդ, ՌԴ էներգետիկայի նախարար Ալեքսանդր Նովակը հայտարարել է, որ ՌԴ-ը և Իրանը համաձայնության են հասնում գազի սվոպային առաքումների մասին: Ըստ նրա, ՌԴ-ը կարող է գազ առաքել Իրանի հյուսիս և նույն ծավալի գազ՝ սվոպ-գործարքների միջոցով ստանա Իրանի հարավից, փոխանցում է Trend-ը:
