Ադրբեջանական ուղիղ ներդրումները ՌԴ–ի տնտեսության մեջ գերազանցել են մեկ միլիարդ դոլարը։ Այդ մասին հայտարարել է Ադրբեջանի էկոնոմիկայի փոխնախարար Սահիբ Մամեդովը։ Նա նշել է, որ Ադրբեջանում այս պահին գործում է մոտ 600 ռուսական կապիտալով ընկերություններ։ Ռուսական կողմը վերջին տարիներին Ադրբեջանում ներդրել է ավելի քան երեք միլիարդ դոլար, փոխանցում է Pravda.Ru կայքը։ Ըստ նրա, «Карат Холдинг»–ը այս տարի ՌԴ–ի Եսենտուկի քաղաքում շահագորխման է հանձնել «Источник» հանգստյան տունը, որի արժեքը գերազանցում է $25 միլիոնը։ «Азерсун Холдинг»–ը Կրասնոդարի երկրամասում կառուցել է պահածոների գործարան, որի արժեքը կազմել է $8 միլիոն դոլար, ինչպես նաև թեյի ֆաբրիկա, որի արժեքը կազմում է $3 միլիոն։ Նա նշել է, որ Ադրբեջանի ու ՌԴ–ի միջև զարգանում են կապերը առևտրի, ներդրումային, արդյունաբերության, էներգետիկ, տրանսպորտային և այլ ոլորտներում։ Ըստ Մամեդովի՝ ՌԴ–ն այս պահին զբաղեցնում է Ադրբեջանի երրորդ տնտեսական գործընկերոջ տեղը։
