Իրանի միջուկային ծրագրի շուրջ համաձայնագիրն Օբամայի լիարժեք կապիտուլյացիան է և Պարսից ծոցում ԱՄՆ-ի ազգային շահերի դավաճանություն: Այդ մասին հայտարարել է խաղաղօվկիանոսյան նավատորմի նախկին հրամանատար, ԱՄՆ-ի ռազմածովային ուժերի պահեստազորի ծովակալ Ջեյմս Լայոնսը: Ծովակալի խոսքով, վերջին շրջանում ամերիկյան նախագահի վարչակազմը գնում է այնպիսի քաղաքական քայլերի, որոնք ապագայում կարող են կազմաքանդել ԱՄՆ-ի ռազմական ներուժը: «Օբաման ստորացրել է մեր հզոր երկիրը ոչ միայն մեր ընկերների, դաշնակիցների այլև մեր թշնամիների առջև: Նա ուժեղացրել է մեր հակառակորդ Իրանին և ոչ միայ իրանցիներին թույլ տալով ստանալ միջուկային զենք, այլ Թեհրանի համաչ ճանապարհ բացելով դեպի կոնվենցիոնալ զինատեսակներ», - նշել է Լայոնսը, փոխանցում է Washington Times-ը: