ԱՄՆ պաշտպանության նախարարի ՌԴ, Ուկրաինայի և Եվրասիայի գծով օգնական Մայքլ Քարփենթերն Ադրբեջանի ԱԳՆ ղեկավար Էլմար Մամեդյարովի հետ հանդիպմանը հայտարարել է, որ Վաշինգտոնի և Բաքվի համար կարևոր է ռազմական գործակցության ընդլայնումը, հայտնում է ՌԻԱ Նովոստին՝ հղում անելով Ադրբեջանի ԱԳՆ մամուլի ծառայությանը: Հանդիպումը տեղի է ունեցել ՄԱԿ ԳՎ 71-րդ նստաշրջանի շրջանակում: «Մայք Քարփենթերը գոհունակություն է հայտնել պաշտպանության ոլորտում Ադրբեջանի և ԱՄՆ միջև գործակցության մակարդակի վերաբերյալ: Անդրադառնալով երկու երկրների պաշտպանական գերատեսչությունների միջև հաջող խորհրդակցություններին, որոնք տեղի են ունեցել ընթացիկ տարվա մարտին`Քարփենթերը կարևորել է գործակցության ընդլայնումն այդ ոլորտում»,-ասված է հաղորդագրության մեջ: