Թուրքիան մտադիր չէ հանուն ԱՄՆ-ի դադարեցնել Իրանի հետ հարաբերությունները և միանալ Իրանի դեմ պատժամիջոցներին: Այդ մասին հայտարարել է Թուրքիայի նախագահ Ռեջեփ Թայիփ Էրդողանը, հաղորդում են թուրքական ԶԼՄ-ները: Թուրքիան կարծում է, որ Իրանի դեմ պատժամիջոցներն անընդունելի են, նշել է Էրդողանը: «Իրանը մեզ համար կարևոր ռազմավարական գործընկերներից մեկն է»,- ասել է Թուրքիայի նախագահը: Նա ընդգծել է Թուրքիայի և Իրանի հարաբերությունների բարձր մակարդակը՝ նշելով, որ դա այդպես էլ կմնա:
