Միացյալ Նահանգները ևս մեկ անգամ Իրանին աշխարհում ահաբեկչության առաջատար հովանավոր է անվանել՝ Թեհրանին մեղադրելով մերձարևելյան տարածաշրջանի պետություններում բազմաթիվ հակամարտություններ հրահրելու ու իրավիճակն ապակայունացնելու համար: Պետքարտուղարության՝ աշխարհում ահաբեկչության թեմայով ամենամյա զեկույցում, որը հրապարակվել է չորեքշաբթի ասվում է, որ Իրանն ու իր դրածոները պատասխանատու են Աֆղանստանում, Բահրեյնում, Իրաքում, Լիբանանում ու Եմենում բռնության տարածման համար: Նրանք հավելել են, որ իրանցի զինյալներն ու նրանց աջակցությունը վայելող գրոհայինները մեծ փորձ են ձեռք բերել սիրիական պատերազմում և այժմ մտադիր են այն կիրառել այլ երկրներում:
