Ապրիլի 23-ի երեկոյան մեկնարկեց Հայոց ցեղասպանության 105-րդ տարելիցին նվիրված միջոցառումների շարքը: Այսօր 21:00-ին hնչեցին եկեղեցական զանգերի ղողանջները, որոնց ներքո 3 րոպեով մարվեցին Երևանի և մարզկենտրոնների փողոցների լույսերը։ Շատերը հետևեցին կառավարության կոչին 21։00-ից սկսած՝ մարել բնակարանների լույսերը: Քաղաքացիներին կոչ էր արվել նաև բջջային հեռախոսների լույսերի միջոցով պատուհանից խորհրդանշել միասնական ներկայությունն անմար կրակի շուրջ։