Հայաստանի և Ադրբեջանի ազգային անվտանգության ղեկավարների հանդիպումները պարբերաբար արվում են գերիների հարցին լուծում տալու համար: Այս մասին ԱԺ-ում լրագրողների հետ զրույցում ասաց ԱԱԾ տնօրենի տեղակալ Ստեփան Մելքոնյանը։ Նա նշել է, որ վերջին անգամ նման հանդիպում երևի մի ամիս առաջ է եղել. «Բայց կապը կա, անմիջական հանդիպումներից բացի նաև հեռախոսային կապ գոյություն ունի», - ասել է Մելքոնյանը։ Նշենք, որ ըստ շրջանառվող լուրերի՝ ԱԱԾ տնօրեն Արմեն Աբազյանը օրերս գաղտնի այցով մեկնել է Մոսկվա, որտեղ նախատեսված է Աբազյանի հանդիպումը Ադրբեջանի անվտանգության պետական ծառայության տնօրեն Ալի Նագիևի հետ։
