Հայաստանում հաստատվել է 1022 նոր դեպք, գրանցվել է 21 մահ

Սեպտեմբերի 30-ի, ժամը 11:00-ի դրությամբ Հայաստանում կատարվել է 7472 թեստավորում, որից հաստատվել է կորոնավիրուսային հիվանդության 1022 նոր դեպք: Մեկ օրում առողջացել է 650 մարդ, գրանցվել է 20 մահվան դեպք:

Ընդհանուր առմամբ հաստատվել է կորոնավիրուսային հիվանդության ընդհանուր 261 697 դեպք, որոնցից 241 841-ն` առողջացած, 5319-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 13328 պացիենտ: Ընդհանուր առմամբ, կատարվել է 1 712 685 թեստավորում:

«Նախորդ օրն արձանագրվել է մահվան 1 դեպք, երբ պացիենտն ունեցել է կորոնավիրուսային վարակ, սակայն մահը վրա է հասել այլ հիվանդության պատճառով։ Այդպիսի դեպքերի ընդհանուր թիվը 1209 է», - ասված է ԱՆ-ի հաղորդագրության մեջ: