Ընդհանուր առմամբ Հայաստանում տարեկան ընդունվում է ռեադմիսիայի 1200-ից 5000 դիմում։ Ամենաշատ դիմումները գալիս են Գերմանիայից, Չեխիայից և Ֆրանսիայից: Այս մասին այսօր՝ հունիսի 13-ին, խորհրդարանում հայտարարեց Հայաստանի միգրացիոն ծառայության պետ Արմեն Ղազարյանը։ Նրա խոսքով, այս երկրների շարքում Գերմանիան առաջատարն է Հայաստանի քաղաքացիների հետընդունման դիմումների քանակով։ Գերմանիայի դեպքում գրանցված է իրականացման ամենաբարձր մակարդակը։ «Գերմանիայից ռեադմիսիայի դիմումները կատարվում են 100 տոկոսով, երբեմն նույնիսկ ավելի շատ, երբ խոսքը վերաբերում է նախորդ տարվա դիմումների կատարմանը»,- ասաց Ղազարյանը։
